廣告（請繼續閱讀本文）
廣告（請繼續閱讀本文）
廣告（請繼續閱讀本文）
廣告（請繼續閱讀本文）
廣告（請繼續閱讀本文）
陳健朗執導的《手捲煙》昨晚舉行群星好友場，戲中演員林家棟、Bipin Karma及蔣祖曼等人出席，而黃修平、陳果、周家怡等亦現身支持。男主角林家棟表示：「拍攝嗰陣疫情爆緊，大家都好驚，當時又喺最多人最繁華嘅大廈取景，好多人出嚟睇我哋又冇戴口罩，大家未埋位都會戴返。」他又道：「我呢種性格就唔擔心得咁多，都要做㗎！本來部戲早半年開拍，因為修整劇本而延遲，就遇上疫情，好彩拍攝都順利。」家棟透露有次未埋位拍攝時，他突然向南亞裔新演員Bipin Karma講粗口：「我問佢聽完有冇唔舒服，要記得呢種感覺，因為戲中角色成日俾人恰。」他更大讚對方今次演繹得很好。談到《手捲煙》參展多個電影節，家棟希望能獲得更大迴響：「我梗係想有更好回報，因為部戲係香港電影發展基金資助，所以要話畀當局同納稅人知，電影圈係培育到新人。」家棟又表示現正與古天樂合作電影《惡行之外》，造型要留長髮及鬍鬚：「之後再補拍電影《斷網》戲份，真係精神分裂，但都慶幸有工開。」此外政府近日修訂《電影檢查條例》，若電影題材危害國家安全，可被評為不宜上映。家棟說不太清楚細節，要先了解：「我近排拍緊戲，詳細未留意晒！而家知啲唔知啲，我唔信懶人包，等了解清楚先。」