根據Fabrizio Romano嘅報導，利物浦現任隊長佐敦軒達臣(Jordan Henderson)將會轉投沙特球隊伊蒂法克，利物浦接受1200萬鎊+附動條款嘅報價出售球員，雙方將會簽約三年至2026年🙌🏻
現時33歲嘅軒達臣貴為利物浦隊長，自2011年起已經效力球隊10年有多，當中為利物浦贏盡獎盃，可以話係鞠躬盡瘁。軒達臣過往以紮實嘅基本功為特點，而上季表現相對過往跌watt，加上年紀漸大，情況其實變得兩難，因為利物浦中場老化問題，一直為人垢病，加上軒達臣得返一年約，未來三五七年能否喺紅軍佔一席位或成問題。
然而，沙特嘅瘋狂買人行動目標逐漸嚟到利物浦，據報軒達臣同法賓奴都收到報價，起初軒達臣嘅轉會傳聞較為唔真實，畢竟佢係紅軍嘅精神支柱同領袖，即使能力有所下降，但留係更衣室都有正面影響。不過伊蒂法克呢支球隊除左出動70萬鎊週薪作誘因，仲有神奇隊長謝拉特擔任領隊作招攬，相信謝拉特係招攬軒達臣落左唔少苦工，畢竟謝拉特係沙特真係雞同鴨講，搵多個老友一齊掘金都開心啲🤣
最後軒達臣呢次轉投沙特雖然被部份球迷批評偽善，當初大力支持參與平權運動但現時去沙特搵錢，呢啲野就真係觀點與角度🥴而紅軍係今次轉會收到1200萬鎊，或許有助投放資源購入新中場，呼聲最高嘅應該係年輕小將拉維亞(Romeo Lavia)👼🏻
▼Follow 足球港場
Instagram: https://www.instagram.com/footballarena_hk/
留言 0