周潤發手臂驚現多粒葡萄大小肉粒　再惹健康隱憂

影帝周潤發熱愛跑步，之前佢被發現大腿驚現球狀腫脹物，疑患嚴重靜脈曲張，惹嚟健康隱憂，不過依然冇阻佢繼續跑步，即使去咗北京，佢都被網民捕獲佢去咗晨跑！最先捕獲發哥嘅網民留言：「運氣好的爆炸，人超好。沒架子。讓小朋友站在第一排。」相中睇到戴上黑超嘅發哥，以黑色運動背心配黑色Leggings襯波褲上陣，而佢嘴唇上留咗黑色鬍鬚，下巴就留咗白鬚，相映成趣。佢喺公園一路跑步，一路被多個大小家庭要求集郵，佢都有求必應，任影唔嬲，相當親民！

不過最惹起網民關注嘅係，其中1張發哥揸機自拍嘅照片中，睇到佢右手的前臂內側到手臂驚現多個肉粒，每粒約有葡萄咁大，隨即發哥嘅健康引起網民熱議，紛紛留言「脂肪瘤」、「好奇發哥為啥不去做手術呢」、「發哥手臂上盡是包」、「看起來好嚇人」，亦有網民唔少留言送祝福，並希望發哥身體冇事啦！

東網網站 : https://on.cc/東網Facebook專頁 : https://www.facebook.com/onccnews/