藝人施匡翹與朱智賢今日（5日）為時裝設計師Vivienne Tam的婚嫁系列擔保模特兒行騷。朱智賢身穿腰間開窿的新式裙褂，她稱以前夢想做模特兒，但可惜身高不夠，今次能為國際品牌行騷，十分開心。問她有否為此刻意減肥？她坦言：「我剛剛喺深圳拍完飲食節目返嚟，一日食足10幾餐，所以都有少少擔心食肥咗，但今朝起身已經消化晒。（將來結婚會唔會着裙褂？）做藝人以前着過好多次婚紗，但裙褂真係未試過，將來結婚都可以考慮，但暫時冇結婚計劃。」
而施匡翹表示今次是首度行騷，相當興奮：「好開心，我前一晚瞓唔着，有上網參考專業模特兒行騷，我今次條裙係拖尾款，又要行上行落樓梯，對我嚟講係大挑戰，好似完成咗歷史壯舉咁。」她指為了行騷，她今日全日只飲水未有進食，揚言完騷後要大吃一餐犒賞自己。
東網網站 : https://on.cc/東網Facebook專頁 : https://www.facebook.com/onccnews/
留言 0