MIRROR演唱會順應民意　宣佈加兩場MIRO專場兼實名制賣飛

MIRROR將於7月25起舉行紅館演唱會《MIRROR.WE.ARE LIVE CONCERT 2022》，早前多個優先訂購都出現網絡問題，導致大批客戶無法登入，無法順利買飛。今日（5月25日）公佈的MIRO獨家專享網上抽籤認購結果，又只有2500名會員抽中，其餘6萬多名會員要繼續「等運到」。

今日MIRROR官方網頁公佈，將加開2場MIRO特別場，以及經城市售票網公開發售的門票（12場）將以實名制形式發售。

MIRROR官方網頁公告如下：「【聽到大家嘅聲音喇！！！】感謝大家陪伴MIRROR走到今日。縱使面對重重困難，我哋都一定盡力做，希望更多鏡粉可以嚟支持MIRROR！！大家對演唱會嘅反應十分熱烈，加上知道咁多位鏡粉為咗支持MIRROR，左撲右撲買飛好辛苦。所以…… 正式宣布2件事！！！1. 加開2場MIRO特別場*^（8月5-6日）2. 經城市售票網公開發售的門票（12場）將以實名制形式發售」

「點樣買？幾時買？邊度買？要準備啲咩？我哋努力準備緊，詳情將稍後公布。*合資格之MIRO須以實名制購買MIRO特別場之門票。門票數量有限，售完即止。詳情將稍後公布。^MIRO特別場部份門票將以實名制經城市售票網公開發售。」