譚嘉儀突發佈喜訊　IG出眼紅相：結婚了

歌手譚嘉儀昨晚突發在IG出文，頭兩句：「結婚了🎊結婚了🎊」加上背景一個「囍」字，相信不少人以為她閃婚，亦有網民留言：「好彩睇埋第二行。」原來昨日譚嘉儀在IG上載大量哥哥結婚的相片，還感觸寫下長文及和哥哥的童年照。

譚嘉儀興奮宣佈「結婚」留言：「結婚了🎊結婚了🎊哥哥終於成家立室了，開心又感動❤️」提到哥哥很愛錫自己：「感謝主我有一位好哥哥，由細到大都好錫呢個妹妹，從感情事談到音樂事，佢都係我最大支柱🫶」更曾在她想放棄唱歌時鼓勵她：「記得有一次我真的想放棄唱歌時，是哥哥鼓勵我，拉返我起身，仲不停叫我唔好放棄音樂，每日都要花時間去鑽研，好多謝哥哥一直陪我渡過所有困難、成日同我一齊祈禱❤️」

而當中更有一首歌成為她們家的主題曲：「我們一起創作嘅『印記』更係成為咗屋企主題曲，因為係送比家姐嘅結婚禮物，哥哥結婚更係唱返呢首歌送比佢啦☺️但每次唱我都忍唔住會喊🥹因為我覺得呢首歌真的充滿著我們一家的愛及神的恩典❤️『求緣份來到，便執手可到老』🎤🎤希望與嫂嫂同心到老，恩恩愛愛❤️🥰愛你們❤️ #pic4 細個同哥哥合唱 #印記 #仲有哥哥作比呀嫂嘅歌曲 #一起變老 #好感動 #好好聽」