由馬國明及陳山聰等主演的無綫新劇《隱形戰隊》將於下周首播。有份客串的陳展鵬（煎Pan）演big boss，他透露最開心是相隔12年後，以「身份互換」形式再與好友馬國明合作：「我喺無綫首套做男主角嘅劇集係《真相》，當年馬國明喺最尾嗰幾集演反派，嗰時我已經講，希望將來有套劇馬明做主角時，我可以做番反派以示支持，客串又好、主位又好，呢個係我其中一個喺TVB最大心願。」
談到相隔多年再演奸角，煎Pan笑指最希望能讓觀眾感到新鮮：「做咩角色都冇所謂，反派、小角色、客串或反串都好，最緊要觀眾覺得陳展鵬有新鮮感。」而陳山聰坦言為今次演出力臻完美，開拍前花了不少心血去做準備，而首輪宣傳片內他展示「一人搶兩槍」的神技，亦反覆練習了兩個月：「真正拍嘅時候都NG咗好多次，我自己不斷要求重拍，咁努力都係想帶刺激感畀觀眾。」
東網網站 : https://on.cc/東網Facebook專頁 : https://www.facebook.com/onccnews/