古巨基（古Sir）日前獲邀到一間酒店，擔任聖誕亮燈儀式特別嘉賓，基仔還演唱兩首經典聖誕歌，提早與現場VIP迎接聖誕，相當應節。
提起聖誕燈飾，古Sir回想中學時的聖誕節：「我會約同學由沙田屋企，出去尖沙咀睇燈飾，每次經過呢間酒店，都覺得好似一座擺滿藝術品嘅博物館，經過一定喺門口噴水池影相打卡。轉眼咁多年，冇諗過有一日能夠喺呢度唱歌，仲係一啲咁classic嘅聖誕英文歌，真係好微妙。」
原來今次表演，古Sir囝囝Kuson、古Sir父母及外父外母都捧場，Kuson表現興奮，一邊看還一邊叫爸爸名字。問到今年會買什麼聖誕禮物給囝囝，古Sir說：「今年應該會送關於九大恆星圖書同埋玩具畀佢，因為佢最近好鍾意關於星球嘅嘢。」
問到會否教Kuson唱聖誕歌，古Sir說：「佢睇完我今次表演之後，佢問我：『爸爸，點解你唱咗我要喺學校表演嘅聖誕歌呀？』原來佢之後要喺學校表演，呢兩日我哋兩父子久唔久都一齊練歌。」
（即時娛樂）
留言 0