（獨媒報導）民政事務及青年局局長麥美娟接受港台節目訪問，推介由前新聞統籌專員馮煒光撰寫的《21世紀西行漫記》，表示如果放假希望到新疆旅遊。她不滿外國社會曾攻擊中國，並引述馮煒光稱「（新疆）不知係幾開心嘅城市，新疆棉根本就無嗰啲咁嘅事，俾人哋污蔑我哋新疆綿，根本就無事，都唔知幾好。」
麥美娟早前接受港台節目《同理．繼續傾》訪問，節目由港台創作總監馬浚偉主持。在節目開場時，馬浚偉便稱，「你提我千祈唔好話喺後面加局長兩個字」，麥美娟稱「打冷震呀」。
推介馮煒光自駕遊新書 曾兩度跟團遊西藏
《21世紀西行漫記》為馮煒光早前在國內自駕遊大西北，即青海、新疆、西藏和四川四省後所寫的遊記。麥美娟稱，雖然從未到過新疆，但一直希望到當地旅遊，「一睇到佢本書，我真係揭晒睇晒，因為睇咗當去咗。」
去年爆出新疆棉花風波，麥美娟便批評，「當時仲有人講新疆棉呢個故仔，有人喺度攻擊（中國）」，不滿指「新疆咩咩咩呀新疆綿，我其實當時都好想去，因為隔離、疫情去唔到，佢（馮煒光）就付諸實行，所以我好羡慕佢。」
除了新疆，麥美娟亦談到西藏，稱在閱畢該書後感到十分開心，「我係好鍾意西藏，我去咗兩次，我其實好想再去多第三次。」麥美娟曾兩次參加旅行團到西藏，透露在兩次旅程前均先食藥，所以沒有出現高山症等不適。
麥美娟稱愛熱鬧 自駕遊怕悶
麥美娟形容，西藏是「你去到就好開心嘅地方嚟，唔知點解係好開心嘅城市，去到自然會感覺到好開心」。麥美娟稱西藏十分值得去，「求其一個地方落車，望下個天，你就已經⋯⋯嘩好開心。」
不過麥美娟就稱十分愛熱鬧，表示如一個人去旅行或自駕遊「怕悶」，在旅途中會WhatsApp 朋友「宜家睇緊咩」。馬浚偉笑稱「你都係搵返個伴好啲」，多年來一直未婚的麥美娟，她就大笑回應稱，「我有好多姊妹聽我講嘢」。
麥美娟早前加入李家超班子，由立法會議員成為民政及青年事務局局長。在節目中，馬浚偉大讚麥美娟議員時已硬淨、立場清晰及搏命。麥美娟則指自己讀書時十分怕羞，坐小巴上學亦不敢對司機揚聲下車。
重提反修例事件 稱體諒年輕人被誤導
後來在中五的時候，母親因心臟病離世，麥美娟稱自己被迫成長，要到街市買餸及照顧家人，「先至練同陌生人講嘢，照顧屋企人照顧細佬，個口先開口講嘢。」她指母親在哥哥生日前一日過身，對家庭造成很大打擊，每逢節日更感難過，直至大學畢業及投身社會後才適應過來。
在中大畢業後，麥美娟即獲港英政府委任成區議員，當時僅22歲。她在節目中強調自己是最後一名委任議員，指當時獲委任因參加葵青區徵文比賽，從而繼續參與社區服務。
麥美娟在訪問中亦提到2019年反修例事件，相信年輕人當時被誤導，對此表示十分體諒，「又或者覺得同輩都去做喎，我哋又去啦咁樣，我嗰時聽過好多大學同我講，個個都去無理由唔去喎，有啲仲話如果你唔去返到去會俾人話你喎。」她最後強調，自己有誠意與年輕人建立溝通及互信，願意聆聽不同聲音。
