無綫歌唱真人騷《中年好聲音2》將進入白熱化階段，8強選手將聯乘8位歌手合唱，爭奪最終殺入決賽的7強名額，「大魔王」安雅希與林二汶合唱《一樣的月光》，一紅一白造型上陣的兩人一唱一和非常合拍，雅希唱到尾段大晒功架飆高音，惟最近清減不少的她被批唱歌不夠氣，伍仲衡激動說：「減乜鬼肥啫，好明顯聽得出，人瘦咗把聲都瘦埋，感覺唔到我以前鍾意嘅安雅希，你睇吓二汶，佢把聲啲氣幾肥大！」張佳添則說：「如果識用丹田唱歌，肥同瘦其實係冇關係，但係減肥之後，能量可能會唔夠。」
同被喻為大熱的顏米羔，則孖住吳業坤挑戰高難度的《浮誇》，兩人一爆一靜擦出不一樣的火花，雖然米羔的演出充滿激情，惟他的假音被批，張佳添說：「呢首歌係啱米羔唱嘅，但你要練多少少假聲、換氣，呢首歌係超高難度。」伍仲衡則直言：「聽得出你啲假音太假，真正嘅假音係假得嚟真，輕得嚟重，無力得嚟有力，你可能要研究點唱假音！」
東網網站 : https://on.cc/東網Facebook專頁 : https://www.facebook.com/onccnews/
留言 0