網上熱話｜獅子山公路兩司機落車商討網民：尋日先發生完撞死真係唔抵可憐

駕駛者之間發生磨擦，司機都習慣停車即時落車理論，但即使感到憤憤不平，都要睇清楚四周環境先好落車。昨日(28日)港深西部公路發生嚴重車禍，事發時先有兩架車相撞，兩名司機下車商討處理方法，惟其後再有另一架車駛至，撞到早前下車的兩名司機，兩人其後同告不治。事發一天，網上流傳照片，可見再有司機下車商討，引來不少網民熱議，更戲稱「講數最重要，條命都可以唔要」。

網民：人類總要重複同樣的錯誤

今日(29日)facebook群組《馬路的事 (即時交通資訊台)》有網民上載相片，指獅子山公路往馬場方向，有兩名司機於公路的右線落車商討，旁邊繼續有車輛經過；至於兩人商討的內容則未有提及。相片上載後引來網民討論，不少人認為昨日才發生因為下車而被撞的意外，兩位司機「唔要命」，表示「尋日先發生完，撞死真係唔抵可憐」、「點解一定要企呢邊，唔可以企石壆嗰邊㗎咩」、「交智商稅俾閰王」、「再炒(多兩人)齊腳打麻雀喇」；更有網民引用《機動戰士高達》主角阿寶的名言「人類總要重複同樣的錯誤」嘲諷兩位司機。