葛綽瑤自爆因月事獲港鐵職員照顧 Sica在車廂練舞冇難度

青春三人組葛綽瑤（Yoyo）、許寶恆（Alice）與何洛瑤（Sica）最近在港鐵車廂拍攝廣告，參與一系列任務，在片中又跳舞又玩遊戲，發放青春活力，慶祝港鐵45周年。她們還讚自己默契十足，順利過關：「我哋其實好鍾意玩呢啲小遊戲，純靠天才波去玩就已經足夠，最大挑戰係個太陽，如果出太多汗熱到個妝都溶，化妝同事就慘喇！」

Yoyo自言從小跟港鐵連繫生活，因為讀書時期靠港鐵代步，不時要向站內職員「求救」：「因為當時身體唔太好，撞啱月事不適都要向職員求助，漸漸成為各車站客務中心常客！真係唔好意思啊，但真係多謝佢哋幫忙！」

港鐵廣告拍攝過程充滿歡樂氣氛，Sica笑言拍攝時勾起過往在車廂的有趣經歷：「其實我細個嗰陣都會喺車廂練舞，一見到柱和玻璃反光就郁身郁勢喺到跳，完全冇難度。」Yoyo即時化身港鐵安全大使，叫Sica唔好教壞小朋友：「細個見到個哥哥咁樣玩，點知唔夠力整親，所以好危險！」原來Sica是「鐵路迷」，過去的生日專程去日本影路軌，認真夠瘋狂又盡情。她們大跳慶生舞夠合拍之外，Alice笑言她們「等放飯」一刻同樣合拍：「肚餓呢啲就好夾，一齊餓到打鼓搞到收音師都聽到。」

（即時娛樂）