試當真取笑Anson Lo跳舞片　激嬲會員退訂閱終跪低刪片

試當真會員頻道「認真毛」有不少會員支持，不過昨日就有一名自稱「做咗3年幾認真毛」的會員指「睇到呢條會員片退咗會員」。而該影片就是一段MIRROR成員Anson Lo(盧瀚霆)在〈Hey Hey OK!〉MV中的跳舞片，標題為「忍笑初賽足本20條片！地獄程度MAX！你忍到幾多條？」，疑似取笑Anson Lo的舞步。

網民在社交平台出文：「做咗3年幾認真毛，噚日睇到呢條會員片退咗會員。我接受到black mirror，接受到12怪盗研討會，接受到成班員工睇完12怪盗恥笑套戲(會員片)，而如果呢段搞笑片係撈live唱歌走音我都接受到(雖然都好針對性咁恥笑，但勉強仲可以接受)，但宜家呢條恥笑撈跳舞真係底線，可能覺得唔會有神徒係會員啦，但放呢條片做忍笑挑戰嗰個人心地真係極差，有條拍手片笑人盲同無手其實都心地極差。」之後該帖傳至討論區被熱烈討論，最後試當真已刪除該片。
有網民叫試當真老闆游學修「唔好成為自己討厭嘅人」，亦有網民指這是「僅供課金會員觀看」，不應被公審。