深夜劇繼續爆人氣 《法證先鋒II》收視破《大時代》、《刑事偵緝檔案II》紀錄

放工返屋企，有幾可坐定定唔玩電話睇電視？可能就係深夜時段，臨瞓沒事好做攤在流化時。加上舊劇集質素真係好高，演員陣容又強勁，隨時比黃金時段連環古裝劇吸引。早年重播神劇《大時代》已經掀起深夜煲劇潮，現在正播放的《法證先鋒II》更打破其紀錄，平均收視點隨時達雙位數。

本來無綫為今年播放的《法證先鋒IV》舖路，在深夜開始重播前三輯，但遇到「安心」事件令劇集部份劇情要重拍，飛走黃心穎由湯洛雯頂上。不過似乎沒有影響經典劇收視。《法證先鋒》三輯分別於2006年、2008年以及2011年首播，而早前深夜重播，第一輯第一集已經有7點，當年《大時代》首集都只有5.6點，而上年的《刑事偵緝檔案II》平均收視亦只有6.9點。

來到第二輯更強勁，上月尾7天跨平台總收視達9.7點，成為深夜時段劇集最高收視紀錄。

撰文：Tony