科技新G〡Gmail 大清洗帳戶！〡Samsung 7.26 發佈新摺機 + 旗艦平板〡ChatGPT 官方App推出〡Beats Studio Buds+ 透明現身〡Nikon Z8 上手實試

今個星期都有幾多科技同生活新聞，一齊同 表妹 睇吓先！
應該好多人都有超過一個 Gmail 帳戶，而近日 Google就宣佈由今年12月起
會刪除 2年內未有登入或者使用過嘅Google帳戶，而相關嘅Gmail、Photos、日歷、Youtube等都會一齊刪除，嚇親唔少網民！
8月一向係 Samsung發佈新機嘅慣常日子，不過近日有外國傳媒就話收到消息 Samsung 今年會喺 7月26日 就舉行Unpacked發佈會，而發佈嘅就係 Galaxy Z Fold5 同 Z Flip5 ，仲話會有埋旗艦平板 Tab S9！
ChatGPT繼續大熱，越黎越多人沉醉其中，發掘更多實用性同可能性。幾個月前我哋就教過大家用Poe玩入門版嘅ChatGPT，而最近OpenAI就終於推出正式版嘅 ChatGPT app 喇！
Beats嘅耳機一向都以有型設計吸引人，而佢哋嘅新作 Beats Studio Buds + 就更加用咗另一個大受歡迎品牌 Nothing ears 嘅特別透明設計，令呢款本身外型同上代冇乜大變動嘅新機，增加咗唔少吸引力同話題性，當然佢嘅性能亦有多方面嘅提升喇！
上星期我哋就講過 ，Nikon喺佢哋嘅網上發佈會公佈咗 Z9 縮細版 Z8 。內在硬件冇大變動下，換上冇咗直度手柄嘅更輕巧身形，到今個星期香港就有實機試玩，我哋當然都有上手試影！
大家都一定收過唔少詐騙電話，不過其實除咗電話，Apps一樣係詐騙熱門，唔小心隨時都會中招！Apple今個星期就公佈喺2022年一帶阻截咗超過20億美元嘅懷疑欺詐交易，並拒絕咗近 170 萬份 app 申請，呢D app都係未能符合 ，App Store對私隱、安全、同內容嘅標準。
庵野秀明 嘅 《新 幪面超人》6月22號喺香港上映！「新·日本英雄宇宙」正式齊張！而啱啱仲公佈埋「S.J.H.U.PROJECT 新‧宇宙機器人」，顧名思義就是將「新·日本英雄宇宙」入面嘅四個主角 初號機、哥斯拉、超人、同幪面超人合體成的大型機器人，就咁聽都覺得黐線！
之前我哋 GadgetGang就開過直播，同大家玩AI畫圖，幾個指令就可以畫到張靚畫都真係幾好玩。而外國就有youtuber，利用AI畫咗個好靚嘅蛋糕，再挑戰喺現實中還原呢個蛋糕，一齊睇下佢成唔成功？
#gadgetgang #gadgets #gg #apple #samsug #Zfold5 #ZFlip5 #TabS9 #Nikon #nikonz8 #庵野秀明 #新幪面超人 #AI #chatgpt #chatgptapp #Google #Gmail #gmailaccount