由譚玉瑛、黎芷珊及蓋世寶主持的無綫節目《童你一起長大了》於最新一集找來90年代初《閃電傳真機》主持人吳晶晶及黃寶君（Polly）再現螢幕！兩位姐姐已經離開幕前多年，各有各發展，但再次碰面依然老友鬼鬼，回憶當年晶晶更一度哽咽。
雖然已經多年冇見，但晶晶及Polly一見面照舊合拍，晶晶表示當初因為同Polly一齊擔任「青少年大使」而結緣，二人經常雞啄唔斷，更曾經有觀眾同小朋友將二人「撈亂」：「那時大家分不到我們邊個打邊個，經常笑我們可能係Twins。」晶晶更一度哽咽感恩年青時有Polly陪伴自己多年。
於1996離開兒歌節目後，吳晶晶轉行做空姐，再結婚及育有兩個仔仔，一家四口生活幸福。晶晶表示自己的人生規劃比較傳統，只想仔仔快樂。至於Polly有指她曾經投考紀律部隊，亦有傳她曾經加入懲教署，不過現時Polly就為寵物店店主兼寵物美容師，提到當日開寵物店時更突然流淚：「要救小動物，要使好多錢，透過開寵物店就可以有基金，賺到錢亦可以幫牠們。」
