請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

MIRROR成員Tiger邱傲然下弦論:「我嚟尋找工作機會」3分鐘演講感動網民

香港天團MIRROR幾年間火速竄紅後,團員除了合體出歌開演唱會之外亦有個別發展。12人受歡迎程度不同,更有觀眾暗自將MIRROR成員12子分成上、下弦。上弦6人工作機會不絕、下弦則常被忽視。上下弦論一直是一個被視為忌諱的話題。昨日MIRROR成員Tiger邱傲然獲邀出席「鮮浪潮電影節」短片製作比賽頒獎嘉賓,短短3分鐘的出場感言不單獲網民讚好,亦引來網上熱烈討論。

Tiger邱傲然發表下弦論:「我係嚟尋找工作機會」

Tiger發言之前,鮮浪潮主席杜棋峯直言自己「唔識MIRROR」,於是Tiger上台即昨了一個頗為詳細的自我介紹:「近排好多人搵MIRROR拍戲,佢哋好多時搵姜濤、Edan、Lo、Jer、AK……雖然有搵Lok Man,但係大多數搵拍戲係『上弦』嘅人。」Tiger再詳細講誰是屬於上下弦:「MIRROR有12個人,多人識的叫『上弦』、冇乜人識叫『下弦』,所以佢哋好少搵下弦嘅人拍戲……譬如Tiger、Alton、Frankie……有見及此,我今日嚟係尋找工作機會嘅。大家好,我係MIRROR下弦嘅Tiger。」說罷即引來全場掌聲。

Tiger邱傲然以自己經歷勉勵參加者:冇機會時要努力、有機會時要出盡全力

接着Tiger講述自己的經歷,感歎自己「得唔得」其實難以定奪,因為很少人睇過自己的演出:「冇作品即係冇人睇到,冇睇過又點知我哋唔得?好多年輕人初出茅廬工作,老闆會質疑:『咁後生咁年輕得唔得㗎』我就心諗,係唔得定係未得?」

Tiger又坦言自己是幾日前才知道自己獲邀任頒獎嘉賓:「收到呢個消息好驚訝,for大家info我係sell唔講嘢,於是就盡力試下。」Tiger又分享入行以來的心路歷程:「入行幾年,學到一樣好緊要嘅嘢,冇機會嘅時候努力啲、有機會嘅時候盡力啲。既然今日有機會我就盡力啲。」之後Tiger就趁此機會宣傳自己在ViuTV新劇《死角》將有演出。希望觀眾看過他的演出後,才去定奪他「得唔得」。

在學時修讀於浸會大學戲劇系的Tiger,喜歡音樂、醉心跳舞,對武術亦有一番鑽研和心得。

鮮浪潮主席杜棋峯:唔好再懷緬舊時,我哋講緊未來

「鮮浪潮電影節」主席杜琪峯在介紹頒獎嘉賓出場之前,坦言自己唔識Tiger,但知道MIRROR廣告舖天蓋地,相當成功:「前幾日想到少少嘢,於是打電話畀魯暉(MakerVille 行政總裁魯庭暉)問佢你可唔可以畀一個MIRROR嘅人畀我哋出席呢個頒獎典禮?」於是就邀請了Tiger擔任頒獎嘉賓。

杜棋峯聽到不少同輩、社會賢達說過「香港電影已經冇喇」、「香港電影一pat屎」、「香港電影風光不再」等等,他認為這班人講的是舊時,我們現在要講的是未來,不能相提並論。他又分享自己親身經歷MIRROR現象:「近呢一排,香港去到邊度都撞到嗰啲廣告,都係嗰隊死人MIRROR喺度?佢哋係成功嘅……今日搵Tiger先生頒獎嘅原因,證明我哋呢班老柴應該支持,唔應該講啲無謂說話,收下把口,好好做一啲對香港有貢獻嘅事。」

Follow she.com on Facebook & Instagram

查看原始文章