天氣越嚟越凍，除咗著厚厚嘅外套同戴頸巾之外，一件保暖內衣都非常重要，但原來著HEATTECH都有技巧，如果著得唔啱，有可能會越著越凍！究竟要點著先可以達至保暖嘅效果？日本專家教大家了解保暖內衣嘅原理和正確穿法，一齊入內文睇下HEATTECH 3大正確穿法啦！
圖片來源：網絡圖片、有吉のお金発見 突撃！カネオくん、IG@@jennierubyjane｜撰文：Sharon
眾多品牌中，相信大家最常著一定係UNIQLO嘅HEATTECH，日本電視節目《有吉のお金発見 突撃！カネオくん》就專程到 UNIQLO 請教研發HEATTECH保暖內衣嘅中野正海部長，了解HEATTECH正確穿法。中野部長指，就算唔做任何活動，人體一日大約會排出約800毫升嘅水蒸氣，係自然嘅新陳代謝；而HEATTECH保暖內衣嘅運用係利用咗呢個自然現象，運用人體排出嘅水蒸氣轉換成熱能，當水蒸氣釋放後再接觸到保暖衣上嘅特殊纖維，可以令水蒸氣無法排出體外，而帶出熱能效果。
HEATTECH錯誤穿法1：在保暖內衣裏著多過一件
根據HEATTECH保暖內衣嘅原理，保暖內衣需要貼近身體，如果喺HEATTECH入面著多過一件衫，皮膚喺冇接觸保暖內衣嘅情況下，會大大降低吸收水蒸氣嘅效果，發熱保暖嘅效能都會減少！所以建議大家著上HEATTECH時，一定要著最底，唔好著完其他衫再著上HEATTECH！
HEATTECH錯誤穿法2：著較鬆身嘅保暖內衣
好多人覺得著保暖內衣唔好著太緊身，大一個size會舒服啲，但原來呢個著法反而達至唔到HEATTECH嘅保暖效果㗎！因為皮膚未能直接接觸到保暖內衣，會容易令水蒸氣流失，大大降低利用水蒸氣發熱的效果。
HEATTECH錯誤穿法3：做運動時著保暖內衣
做運動嘅時候身體會大量嘅流汗，保暖內衣嘅特殊纖維無法吸收大量水分，保暖內衣難以將水蒸氣轉換成熱能，甚至會因吸收大量水分而令身體感到更凍，分分鐘比唔著保暖內衣仲更凍啊！
留言 0