謝安琪（Kay）與方皓玟（Charmaine）昨晚（13日）假亞洲博覽館舉行演唱會，兩人第一次合作開騷，她們以孖公仔造型出場，分別以桃紅色和橙色低胸套裝上陣，打扮非常性感！兩人一連唱出《假使世紀原來不像你預期》及《獨家村》等五首歌，為演唱會揭開序幕。
Kay在台上表示開騷前因舞台問題而遇上不少狀況，今次舞台只安裝了大屏幕，以及用燈光及少許煙火元素作舞台效果。她感激演出舉行前收到很多支持、鼓勵及祝福的訊息，叮囑她們要注意舞台上安全，「佢哋話知道依家好多嘢未必能如期，的確係受到影響嘅，大家都畀咗好多信心我哋，同我哋講只係嚟聽我哋唱歌，係靠你哋畀信心，令我哋做得成演出。」Charmaine則稱希望今次演出能為大家帶來開心的火，讓大家可以保持開心、正面的心情過每一天。
Kay憶述與Charmaine相識多年，當年Charmaine收到由Kay唱的《I Wanna Be Strong 》Demo，大讚Kay唱得好過自己「唔收唔得」，但Kay笑指寫該曲的張繼聰亂邀功，「張繼聰話隻歌賣得出係因為佢唱得好，我同Charmaine都記得係我唱Demo，但張繼聰唔記得。」而Charmaine卻表示沒聽過張繼聰唱的版本，令Kay笑說這件事已變成都巿傳說。
兩位又分享對音樂的感受，Charmaine表示一直離不開音樂創作，「音樂令我成長、學懂謙卑、進步，令大家連繫一齊，你哋咁遠來到聽我哋唱歌，一定係好愛我哋，希望大家有勇氣力量迎接每日生活。」至於Kay在唱完《神奇女俠的退休生活》及《節外生枝》後指事業生涯中曾休息了兩次，當中體驗到放下工作後最掛念的，原來就是跟歌迷們的感情，「有啲睇佢由小學升中學，有啲人結婚畀結婚相我睇，有啲生咗小朋友搵我改名，有啲去外地生活，好掛住香港、音樂同我哋嘅感情。」
