鍾培生近年積極舉辦拳賽，今日（8月7日）舉行《培生擂台無敵盃2023》記招，公佈12月其中一場75KG級別賽事為微辣前藝人霍哥（霍俊邦，藝名：霍景耀）與周永恆對打。
霍哥和周永恆在記者會上不斷出言挑釁對方，周永恆率先挑釁對方，霍哥則寸周永恆專打女人。當大會安排兩人對望供記者拍照，兩人繼續以言語挑釁，最後更互毆30秒。
霍哥透露現在自己重88公斤，目標減磅30磅與周永恆對打，他說道：「希望周先生真係可以真真正正俾心機練到，唔好好似上次Steven（張致恒）上台求其俾人打一鑊，就算頭兩Round搞掂咗就算，鍾生話流血呀嘛，流啦！」
周永恆反擊：「你要減30磅？我要加5磅啊，你要攰少少，你都要加油！」。周永恆又以「霍仔」稱呼對方：「我經常有啲唔合法嘅情緒發洩，好多謝今次畀呢個擂台我，簽咗份約可以好合法咁去情緒發洩。阿霍仔你就小心啲喇喎，我好鍾意打交㗎，流血就一定㗎喇！」雙方都表示，希望到時可以在一回合內勝出。
兩人在Face-off環節表現進取，周永恆不時伸脷，然後突然推開霍哥，霍哥摑對方一巴還擊，兩人開始互毆，鍾培生試圖調停但二人繼續互打至倒場，場面混亂。霍哥在記者會完結後更新IG限時動態，寫道：「大家發洩吓情緒啫，但係我想講，明明發晒癲嗰個係阿周生，個個都攬住我做咩呢？」
對於二人當眾互毆被指是宣傳伎倆，霍哥再出story否認：「夾乜鬼宣傳？我都成個人騎左（咗）係（喺）上邊，佢唔拍我放手就繼續㗎啦！」他又表示「唔好咁幼稚，打埋啲爛仔交，12月大家練她再打過」。
