東京都政府成為月老！研發交友App「東京二人故事」結合AI技術牽紅線

近年日本出生率低迷，根據日本厚生勞動省公佈2023年嘅人口統計，日本出生率破新低，而主要原因出自經濟唔穩定、市民結識唔到良緣等等多個問題。日本政府為咗解決少子化問題，決定充當月老！東京都政府自行開發左個交友App「二人東京故事」，仲會利用AI技術去進行配對。

申請人註冊帳戶後，需要先同工作人員進行網上面試，然後再提交個人身份証明文件，例如護照、車牌、身份証等。另外亦要提供近照同身高體重，最重要係，要喺所在嘅區市町村攞「單身証明書」証明自己單身，最後進行埋EQ評估，AI就會幫你自行配對伴侶。

雖然手續幾繁複，同埋香港人去旅行都唔可以用佢嚟認識日本朋友，但可以防止假帳號同照騙嘅出現，令東京嘅市民可以安心又放心咁去認識異性朋友，甚至更一步發展！「東京二人故事」將會係今年夏季正式推出，唔知遲啲日本其他地區又會唔會效仿呢？

▼Follow GadgetGang HK
YouTube: https://www.youtube.com/@GadgetGangHK
Instagram: https://www.instagram.com/gadgetganghk/