張敬軒15歲愛犬「妹妹」離世　 晚年患上漸凍症：由細到大都好勇敢好殘雞

張敬軒的愛犬「妹妹」今年15歲，近年不幸患上漸凍症，軒仔對牠照顧周到，更曾多次陪伴牠走過鬼門關。不過今日（12月1日）凌晨軒仔在Instagram出Post表示妹妹已離世。

張敬軒寫道：「今日傍晚七點，妹妹畢業了，佢見均曬所有屋企人，一切都好平靜。十五歲幾，對於哥基嚟講，已經好叻好叻了。佢由細到大都好勇敢，好殘雞，好拽。可能因為佢咁嘅性格，先至一次又一次咁樣喺鬼門關沖返出嚟。」

「想特別多謝 @vshhongkong 灣仔嘅Dr. Josh, Dr. Sofie, Dr. Alex, Nick 以及各位Caring Team嘅哥哥姐姐一直以來對妹妹嘅照顧同醫治。尤其多謝Dr. Sofie, Nick同幾位護士姐姐嘅幫助同細心照料。多謝CityU VMC 城大動物醫療中心神經專科嘅呂大安醫生嘅悉心治療，令到妹妹冇受到DM呢個症太多嘅折磨。多謝佢嘅專業、耐心同愛心，一路令到我哋同妹妹喺最後嘅時間都可以得到支持。」

「最後想多謝老朋友 Dr. Chong @drpatrickvet @saa_hk 咁長時間以嚟俾妹妹同我哋作為屋企人嘅所有幫助同支持；冇佢嘅話，妹妹最後呢一段路，係唔會即使面對住各個器官嘅衰竭同老化，都可以食得瞓得，精精靈靈，舒舒服服。同時亦都要多謝SAA嘅各位護士哥哥姐姐。」

「最後最後，要多謝恩人 @pumpkinjojoinstagram , @ahdee___ @lunashaw 妹妹可以有之後嘅十三年，全懶有你/你哋❤️ 仲有妹妹特登要等埋見面嘅陳姑娘 @yorokochan ，情深意重！我亦都代表妹多謝各位喺網上面幫妹妹打氣嘅哥哥姐姐，多謝大家嘅愛！🐶」

張敬軒在前一晚（11月30日）曾在限時動態透露，當時醫生致電表示「妹妹」停止心跳及呼吸，軒仔表示：「落到樓下，電話再響起，醫生話佢喺冇急救嘅情況下有返心跳呼吸。我去到醫院，陪咗佢兩個幾鐘，佢情況又穩定返。於是我帶咗佢返屋企，佢依家都仲係穩定。呢個女好叻，好堅。 #要信有奇蹟」。

          View this post on Instagram                      

A post shared by Hins Cheung 張敬軒 (@hinscheung)

          View this post on Instagram                      

A post shared by Hins Cheung 張敬軒 (@hinscheung)