由903 DJ薛晉寧（阿檸）編、導、演的舞台劇《無法承擔的我們》昨晚（10月18日）於沙田大會堂文娛廳公演，一連十二場，以出租膊頭的生意，為生活充滿壓力的市民提供身心靈的支援。今次邀得周國賢（Endy）和戴玉麒（Yukki）等人參與演出。
近年不論電影、電視或舞台劇都經常見到周國賢的演出，但大多都是沉重的角色，今次雖然都是一位生意失敗的中年大叔，但是角色性格積極，所有問題都樂於承擔，並認為都有可以解決的方法，展示出周國賢平日收起的喜感。「第一日排戲嘅時候大家睇我好似唔出聲，見得多就發現，其實我傻傻地，好啱做喜劇！」
戴玉麒首次演出舞台劇，就挑戰一人分飾兩角：「兩個完全唔一樣嘅角色！轉場之間要極速改變造型，呢個都係舞台劇先會經歷到嘅新挑戰。」不論是迷人的偶像ByeJacket，或是年邁50的蠱惑大叔，Yukki亦都能夠輕鬆駕馭，令人眼前一亮。
擔任編劇、導演、演員三個角色，阿檸認為最難是作為演員的部份：「導演方面知道劇情上需要啲乜嘢畫面，會清晰好多，但係站上台板，要考慮嘅嘢會更加多，畢竟邊做邊考慮自己想像嘅觀眾畫面，會有更多盲點，容易變得主觀，得好好平衡及依賴同事意見，呢個都係重要嘅學習過程之一。」阿檸希望透過這次演出讓觀眾感受到有人陪伴的感覺。
留言 0