張敬軒濠江演唱會頭round 3場演出順利完成，最尾一場獲不少女粉絲公開示愛，有已婚支持者舉牌寫上：「我真係愛你多過愛我老公。」難得其身旁老公支持追星，軒仔搞笑問對方：「你真係唔介意被派帽？」又自爆：「之前有個女歌迷話日頭結完婚，就嚟睇我演唱會，我問佢老公姓咩，佢話姓張！我老母喺度，都夠膽死大叫老公！」全場爆笑。
亦有歌迷公開其赤裸上身的照片，軒仔再搞笑說：「我見你舉咗一晚，係咪可以放低呢？我驚你肩周炎呀。你係唔係會送俾我？等我化咗佢。」完場時換衫encore，竟被導演多現冇拉褲錬，軒仔即找地方躲避整理，再站出來靦覥謂：「冇辦法，太驕人嘞！」
東網網站 : https://on.cc/東網Facebook專頁 : https://www.facebook.com/onccnews/
留言 0