藝人曹永廉(阿廉)於無綫劇《愛美麗狂想曲》內化身萬人迷,不時獲異性主動埋身,不少靚女如張秀文及朱智賢等,都紛紛被他吸引,尤其前者角色本已婚,遇上他後發生一夜情,事後更打算離開丈夫與阿廉雙宿雙棲。可惜神女有心襄王無夢,阿廉為打發秀文,竟做衰人借故向對方討20萬,又搞到她被誤會為情自殺跳樓,而她遭阿廉拒絕後,崩潰爆喊,令人相當心痛!
談到演情場衰人,阿廉打趣說:「我入咗無綫21年,喺收入上滿足唔到我,咪喺其他方面畀番少少着數我囉,遲啲我仲會同蝦頭床戲連場。(以前喺情場試過咁衰?)我都拒絕過人,又畀人飛過,但論次數應該係飛人哋多!最記得試過發現唔Work,但又唔想面對現實,咪選擇唔聽電話同失蹤囉,不過直到依家都好內疚,又或者換個角度講,當時我係放生咗大家。」談到與蝦頭的床戲,阿廉笑說:「同其他女藝人合作,都會驚被人話抽水,但蝦頭就唔使驚嘞。」
東網網站 : https://on.cc/
東網Facebook專頁 : https://www.facebook.com/onccnews/
留言 1
熊出沒注意
萬人迷?毫無說服力
2020年12月31日09:11
顯示全部