呢間位於新蒲崗嘅餐廳Le Sucre走懷舊Feel,餐廳位置都唔多,平日午市都幾多人㗎~裝飾雖然走懷舊,但食嘅野就一啲都唔娘~仲好引人手機食先添啊!
牆上用黑膠唱片做裝潢,好啱呃Like打卡~
重新回歸嘅龍蝦仔牛角包配薯條(黑松露醬) $158,係大廚以前係大坑店嘅拿手菜~好受歡迎㗎!
龍蝦仔牛角包烘得夠脆~仲要勁多餡~小編今次同朋友Share食~切開一半都覺得夠!
小食推薦酥炸軟殻蟹配黑松露醬 $108,黑松露醬非常香!軟殻蟹份量都唔少~實夠飽!仲要炸到脆卜卜~又香又脆~好難忍口啊!
呢間Le Sucre嘅大廚整甜品好出名!同時都係小編鐘情之處~下面介紹嘅呢三款都係小編力推!大大力推啊!香甜又酥脆嘅芒果拿破崙配雲呢拿雪糕 $88,啲Cream食落唔會太濟~拿破崙夠晒酥!
拿!拿!拿!真.意大利蛋整嘅意大利蛋提拉米蘇配雲呢拿雪糕 $98!蛋味超香濃!食咗先知入面混埋餅,絕對無得輸!
鐘意影相打卡就一定要有64%朱古力心太軟配雲呢拿雪糕 $88
切開流心朱古力漿係咪覺得好幸福呢~
食得太飽飲埋杯勁香濃黑芝麻奶昔 $48,真材寶料!
Le Sucre地址:新蒲崗寧遠街3-23號越秀廣場地下G01號舖電話:96838484營業時間︰12:00 – 23:00(註︰每月第二及第四個星期三營業時間為12:00 – 17:00)Text: Holiday Editorial(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)*本文章的圖片均經其本人或其公司授權,其他媒體不得轉載歡迎關注我們的 Facebook 與 Instagram