請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

家庭複雜對婚姻冇憧憬!翟威廉寧願搵SP解決需要

on.cc 東網

更新於 2021年04月15日16:01 • 發布於 2021年04月15日16:01 • on.cc 東網
William生長於複雜家庭,他直言對於結婚冇乜觀念。
William生長於複雜家庭,他直言對於結婚冇乜觀念。
William工作忙碌,經常在清酒店睇住盤生意。
William工作忙碌,經常在清酒店睇住盤生意。
佢坦誠有性伴侶,但係絕非渣男。
佢坦誠有性伴侶,但係絕非渣男。
而性伴侶都不涉及圈中人。
而性伴侶都不涉及圈中人。
William亦否認性上癮,性生活只是佔他生活小部分。
William亦否認性上癮,性生活只是佔他生活小部分。
單身7年,William坦言一路都有性伴侶陪伴。
單身7年,William坦言一路都有性伴侶陪伴。
對於短暫伴侶,他心存感激。
對於短暫伴侶,他心存感激。
William直言只是普遍男人,都有需求。
William直言只是普遍男人,都有需求。
裕美澄清與事件冇關。
裕美澄清與事件冇關。
馮鎵瀠早前指希望他不會變成另一個張致恒。
馮鎵瀠早前指希望他不會變成另一個張致恒。
陳苑澄無辜被拉落水。
陳苑澄無辜被拉落水。
William與陳庭欣分手後一路冇女友。
William與陳庭欣分手後一路冇女友。
麥貝夷數爆前度「性伴侶多得驚人」而引發一連串事件。
麥貝夷數爆前度「性伴侶多得驚人」而引發一連串事件。

藝人翟威廉(William)今年生日收「大禮」,由於麥貝夷數爆前度「性伴侶多得驚人」,外間矛頭直指William,更有指有人「偷食」裕美。翟威廉接受東網專訪,斬釘截鐵否認跟裕美有關係,雖然他有性伴侶,但絕不是「性上癮」、「性慾強」,自言只是普通男人一個!William還坦誠自己選擇「只要伴侶」的生活,也許源於其複雜的家庭背景,令他對「婚姻」沒有任何憧憬!

性伴侶不涉圈中人

對於種種是非,翟威廉說不想再多談相關傳聞,不過,對於跟裕美及陳苑澄的關係,他覺得必須澄清:「我對有關伴侶嘅身份問題,係與唔係,我都唔會作答,但呢次要破例講一次,裕美同陳苑澄都唔關事,係一個大整蠱,裕美嬲係好正常,佢都有搵過我,佢亦用咗佢嘅作風去否認。(今次件事牽連到佢,佢有冇叫你道歉?)佢唔會叫已經一頸血嘅我道歉,但我都想同佢講聲Sorry。(咁其實你嘅性伴侶有冇圈中人?)冇!」

否認「渣男」指控

性格率直的他,公開自己有不同國籍的性伴侶,令不少人都有所聯想,馮鎵瀠(Naomi)更指希望他不會變成另一個張致恒,對於「性上癮」、「渣男」等指控,William斬釘截鐵表示:「我一定唔係性上癮,呢個對我嚟講係好普通嘅生活,唔會頻繁、亦冇特別需求。至於渣男呢個問題,我覺得渣男係一啲應承咗而又唔做,出爾反爾嘅人,我一向好守規矩,亦對我嘅短暫伴侶心存感激,喺呢段時間大家互相陪伴。」

William直言亦明白到自己的言論可能會引來無限遐想,好像每晚都有不同性伴,夜夜精彩,但事實卻是大家想多了,他謂:「我明白正常都會咁諗,但其實有性伴侶呢個生活模式,只係佔我生活入面嘅一小部分,真係兩成都唔到,其餘嘅時間我都係工作,營運清酒舖頭生意、練歌、學嘢,完全冇停過,呢個先係我。至於另一個模式,我只係有人問到先去提到,乜嘢酒池肉林個啲,絕對唔係!(幾耐見伴侶一次?)呢個唔係競賽亦唔係收藏品,只係普通生活,冇特別去記,如果你問會唔會好多?就一定唔係!」

家庭背景複雜影響婚姻觀

自與陳庭欣分手後,翟威廉單身7年,寧選擇「伴侶」生活,堅拒拍拖、結婚,有指全因受到他的家庭背景影響,William與哥哥是同母異父,媽媽帶着大仔與翟父在一起,並生下William,之後,他的父母都分開了,母親其後認識了富商男友,令翟威廉與哥哥過着「富二代」生活,及後因種種原因,兩兄弟決定不靠養父「父蔭」,放棄所有富裕生活自己打天下,對此,William承認:「大致都啱嘅,我屋企背景真係好複雜,可能亦因為咁,令我冇乜結婚嘅觀念,因為屋企實在太多嘢發生過,但依家都咁大個人,真係唔想多講,只係想好概括咁講,依家大家都幸福嘅,總之,家家有本難唸的經。(哥哥點解都係姓翟?)因為佢同我好好感情,佢想跟我同姓,我哥哥同我一樣都係未結婚,我反而想佢早啲結婚,我少啲擔心。(媽咪冇催?)佢對婚姻都係冇乜信心,只要我哋開心,佢就開心,相反,我都係,最緊要媽咪開心。」

至於裕美對於William向她道歉,她說:「唔緊要,我覺得佢慘啲,有時我都會Send啲報道畀佢睇,講笑話:『辛苦你!』佢咪無奈苦笑囉,我嗰啲就純粹笑料一則,咁都關我事?我只係知威廉同麥貝夷都冇拍過拖。」

東網網站 : https://on.cc/

東網Facebook專頁 : https://www.facebook.com/onccnews/

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0

留言 34

  • 庭庭
    擺明條女自己唔順氣做SP 諗住攬炒 點知炒燶咗
    2021年04月16日01:47
  • 🦹🏿♂️野口同學👩🏿🎤
    翟威廉好野丫,佢敢做敢敢認喎
    2021年04月16日03:26
  • 一蚊銀
    其實開誠佈公,好過收收埋埋遮遮掩掩。每個人都有自己想過既生活,唔傷害人咪得。
    2021年04月16日02:18
  • Jimthony
    我都識呢兩位! 男既老實有禮、 女既冇新聞攞新聞
    2021年04月16日02:13
  • Y M Cheung
    似姓麥女子趙完唱多d
    2021年04月16日03:10
顯示全部