電車呢種交通工具喺香港屹立左百年有多，當好多野已經被社會淘汰，佢依然歷久不衰為香港人服 務！ 宜家佢唔止係一種交通工具咁簡單，佢搖身一變，變做一間識郁嘅party room！
本地人當然要支持番本地嘅品牌創意！
Circus Tram為呢種傳統嘅交通工具注入左新生命！
將古舊嘅電車翻新，變做擁有3間主題房嘅流動派對車！
呢3間房都有自己嘅主題特色，全部都偏向西式風格～
頭等車箱以簡單色調為主，簡練嘅裝修加上車頭露天風景，好寫意～
而2等車箱同下層車箱都帶英式風格，2等車箱以花園做主題，令人好放鬆嘅感覺；而下層就較似英國宮庭風，深啡色嘅梳化配雲石小茶几，多添一份享受生活嘅感覺！
近年嚟手工啤酒慢慢掘起，今次本地嘅手工啤酒品牌《香港友》同Circus Tram合作，除左想帶新嘅體驗俾大家，亦都想喺香港人有共鳴嘅文化上面加入新元素！
喺呢次嘅計劃入面，大家可以品嘗到《香港友》為大家挑選嘅手工啤酒配特式小食～
鐘意輕盈口感又易入口嘅啤酒，可以揀New Kong！
比利時啤酒配以紅豆沙為靈感嘅紅豆吉士多士，清香嘅啤酒加甜而不膩嘅多士，好適合女士們嘅小聚餐～
拉格啤酒Time Square加風沙雞串，地道嘅香港小食配埋啤酒嘅麥香，好有滋味；愛爾淡啤酒Underground配蜜汁叉燒，啤酒嘅微苦中和左叉燒嘅膩，好match！
想知道呢間流動party room嘅詳情同活動，就上Circus Tram，或者本地啤酒品牌《香港友》嘅社交平台啦！
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
留言 0