歌手胡鴻鈞向來被指同內地歌手李宇春撞樣，仲有個朵叫做「將軍澳李宇春」，前日佢「失散家姐」李宇春現身內地節目《青春有你3》，唔少網民又食晒花生，猛話驟眼睇以為係胡鴻鈞，仲話唔知蔡思貝分唔分到！
節目中李宇春着住粉紅色格仔大褸同短裙，配埋一對耳環之餘，再化埋個粉紅眼妝，成個迷人pink lady咁款，不過佢同胡鴻鈞簡直好似孖生咁，尤其佢低頭或側面，直情係胡鴻鈞咁嘅樣！網民留言：「我真係分唔到！」、「究竟係胡宇春，定係李鴻鈞？」、「其實胡鴻鈞着裙都幾好睇！」、「蔡思貝分到嗎？」、「我只係見到木村拓哉同李宇春…」
其實胡鴻鈞咁多年嚟，同「變臉」呢兩個字，真係打風都打唔甩，雖然佢已經否認整容N次，仲話驚去整嘅話，會嚇親阿媽，但因為佢由方臉變V臉，所以「削骨還父」之亂，從來未停過呀！
東網網站 : https://on.cc/
東網Facebook專頁 : https://www.facebook.com/onccnews/