去台北去到悶？咁不如搞搞新意思，去台中旅行啦！咪以為台中一定去埋南投先有嘢睇，其實台中而家多好多新景點，唔洗長途跋涉，仲好靚添！
1.沙鹿夢想街
夢想鄰近靜宜大學，有超多打卡位～包括巨型心形鞦韆、粉藍色籃球場、大量3D彩繪等等。一個位都可以影好耐！
夢想街本來係一條閒置咗嘅商台街，但之後商家創意翻新～喺鐵門畫上噴畫，加埋其他充滿感的各種佈景，搖身一變變成人氣勝地喇！
最受歡迎打卡位就係呢個藍球場同心形鞦韆～
沙鹿夢想街
地址：台中市沙鹿區晉文路3巷21號
開放時間：09:00－19:00
2.高美濕地
熱愛旅行嘅大家一定聽過「天空之鏡」～心思思想去好耐又去唔到？近近地台中都有一個㗎！
高美濕地其實係台中超人氣景點，係一個生態保育區，雖然唔大，但一望無際嘅藍天加埋夕陽倒影，真係靚到唔想走！
預啱時間仲可以睇埋日落添！
高美濕地
地址：臺中市清水區大甲溪出海口高美濕地
電話：+886-4-26565810
3.UNO市集
UNO市集係台中嘅新景點～有「全台最大貨櫃市集」之稱！所有店鋪都係用貨櫃改裝做特色攤位～集合各種美食同創意精品等，仲有貨櫃影相區可以盡情打卡添！
30個色彩繽紛又各具特色嘅貨櫃屋，由日頭到夜晚都咁靚！有時假期仲會有表演，加埋人工草皮區，輕鬆慢活咁過一日就最適合！
最注目嘅當然係場內嘅旋轉木馬！仲要係室內㗎，落雨都唔洗驚～加埋呢個超巨型扭蛋機，即刻重拾童心！
UNO市集
地址：台中市西屯區台灣大道三段251號旁(新光三越／台中大遠百旁)
營業時間：11:00－23:00
4.審計新村
審計新村有半世紀歷史的老宿舍，空閒咗多年，面積雖然唔大，但附近就係台中勤美綠園道同國立台灣美術館，咁當然要去埋啦！
舊建築翻新成青年創業基地～文青必去呀！
審計新村
地址：臺中市西區民生路368巷