內地神劇《琅琊榜》曾創下134億網絡點擊次數佳績，令飾演林殊嘅內地男神胡歌事業登上頂峰，不過當時佢覺得再接拍續集，無論喺角色或受歡迎程度上難有新突破，加上佢工作檔期排滿所限而拒拍《琅》第二部，改由黃曉明接捧拍《琅》第二部《風起長林》，結果一如劇中嘅「麒麟才子」胡歌所料，劇集好似中咗魔咒一樣，受歡迎程度大減。
事隔6年，有消息話《琅》第三部新劇嘅劇本已完成即將開拍，有傳胡歌將「回歸」參演，而女主角則傳係趙麗穎，即係男神夥拍劇后成神仙配，全部《琅》劇迷大叫期待。不過又指胡歌今次只係客串性質。即係淪為大配角，而扮飾少年版林殊嘅，係最近憑《山河令》而爆紅嘅「嫩版陳家樂」張哲瀚，到底喺胡歌嘅「半加持」下，《琅》第三部男一張哲瀚會唔會再重蹈黄曉明嘅覆轍，打破胡歌之前嘅魔咒就要拭目以待呢。
東網網站 : https://on.cc/東網Facebook專頁 : https://www.facebook.com/onccnews/
留言 0