曾參選華姐嘅藝人倪晨曦（Elva），後來轉戰模界及KOL，憑靚樣加長腿獲封「網絡女神」。其實Elva嘅靚樣係遺傳自媽媽，倪媽媽近日原來遠赴美國參加《2019全球辣媽大賽》，更勇奪優雅組嘅冠軍，相當犀利！而Elva同爸爸都專誠去到當地打氣，佢仲上載多張靚相至社交網，當中見倪媽媽表演中國舞，舞姿優美舉手投足更充滿氣質，冠軍頭銜實至名歸！
Elva亦有發文報喜，表示：「I'm so proud of my Mama!!! 她真的好棒好棒！好厲害！我好佩服她！以前只知道媽媽年輕的時候會跳舞，但那時候條件有限，只能看看照片，也沒有甚麼錄影錄像。這次也是我第一次認真的看媽媽在舞台上跳舞，她整個人都在發光！」佢續指媽媽認為輸贏唔重要，得到家人咁支持先係最開心嘅事。
東網網站 : https://on.cc/
東網Facebook專頁 : https://www.facebook.com/onccnews/
留言 0