新開業泰式火鍋放題 任飲任食泰式料理🥘 [ 泰·初夏 ]

最近係網上留意到荃灣愉景新城新開咗呢間泰式🇹🇭餐廳，晚市5:30 - 9:00pm火鍋🍲放題套餐有得任食泰式火鍋、任食泰式料理同埋任飲泰式飲品，聽落幾吸引一於去食吓🤣。

✿ Set B 泰.初夏之雞煲＋牛板腱火鍋放題
$238 (90分鐘) / $278 (120分鐘)

泰式沙律🇹🇭🥗
可以任食泰式無骨鳳爪、泰式木瓜沙律以及泰式粉絲沙律。個人最中意泰式無骨鳳爪，口感爽脆帶酸辣作為前菜好開胃🤤。

泰式小食/熟食🇹🇭🍢
有泰式串燒(有豬牛雞)、燒豬頸肉、泰式豬手、炸魚餅、泰式雞卷等，小食整體質素不錯，而且可以任食值得一讚👍。

雞煲(小辣/中辣/大辣/唔辣) 🇹🇭🐔🥘
泰式辣汁風味雞煲，口味獨特，雞件都幾掛汁夠惹味。已煮熟上枱就即刻有得食，咁就可以同步食埋泰式火鍋。

火鍋湯底🇹🇭🍲
有得揀鴛鴦湯底。湯底口味有辣有唔辣，有冬陰公湯底、沙嗲湯底、椰汁雞湯底、泰式清湯底以及芫茜皮蛋湯底。

冬陰公湯底：泰式經典酸辣湯，有香茅、檸檬葉等香料，酸甜帶點微辣，加火鍋料配都幾吸味；泰式清湯底：唔辣，清清地最啱烚菜食。

火鍋肉類🥩
任食牛板腱、澳洲穀飼牛、牛胸爽、西班牙豚肉片、酒嫩雞件等，同冬陰公湯底都幾夾😍。

火鍋配料🥟🥬🍜
任食墨魚滑、蝦滑、餃子、丸類、蔬菜等。更有金邊粉，可以自製冬陰公湯底金邊粉🤤。

飲品🇹🇭🍹
任飲十多款即沖泰式飲品，有熱有凍，有泰式奶茶、龍眼冰、榴槤雪香、水果梳打等，而且飲品可要求少冰少甜等個人化口味👍。

甜品🇹🇭🍮
任食西米糕、芒果大菜糕等。

總結
餐廳裝修設計柔和，適合2人甚至10人聚餐。有得任食泰式料理、泰式火鍋，任飲泰式飲品，性價比夠高💰👍。

✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
泰·初夏
地址：荃灣青山公路荃灣段398號愉景新城2樓2030號舖
電話：2623 0075
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

▼Follow konglui.food 港女食好西
Instagram: https://www.instagram.com/konglui.food/