恭喜發財﹗身體健康﹗今天（10日）是龍年大年初一，群星以不同方式賀歲。
洪永城（Tony）和老婆梁諾妍（Inez）再度造人成功，Inez現時佗住B女，早前還參加馬拉松賽事，今天兩公婆上載和囡囡Amber及毛孩Molly溫馨合照，另一張相則是Amber坐定定對住鏡頭講恭賀說話：「洪氏一家祝大家新年快樂，新一年龍精虎猛，身體健康健康健健康康﹗圖2: 如何令Molly同Sirface（囡囡）咁乖坐定定講埋祝賀說話？係零食呀。」
Dear Jane主音黃天翱和太太楊洛婷婚後育有一對仔女，楊洛婷在社交平台貼出一家四口賀新歲合照，他們以襯到絕的打扮擺甫士，楊寫道：「Gong Hei Fat Choi（恭喜發財!）農曆大年初一 祝大家 新年快樂！身體健康！萬事如意！大吉大利！開開心心！龍馬精神！」
快將成為盛太的麥明詩，則趁昨天年卅晚清理一堆相，包括他和未婚夫盛勁為跟朱千雪兩公婆合照，整理完相片後麥明詩便「收爐」，有網民留言：「一班頂级學霸！」黃宗澤則趁有假期行花市，見他滿載而歸，收穫甚豐呢﹗
（即時娛樂）
