「聲夢小天后」炎明熹（Gigi）一連三場《Gi-FORCE炎明熹演唱會2024》昨日（12日）開鑼，獲多位圈中前輩曾志偉、李克勤及太太盧淑儀、劉德華、楊千嬅等送贈花籃打氣，現場更擺滿來自全球各地的粉絲送上的花籃，場外亦布置了多個大型應援打卡區，相當熱鬧。
炎明熹去年處女個唱尾場颱風關係取消，僅相隔半年再開唱，更開足三場，依然吸引黃牛黨炒飛，經歷去年開唱歌迷一飛難求，黃牛黨趁火打劫，今次演唱會有網民發現Gigi的歌迷似乎寧願錯過精彩演出，亦要向黃牛說不，多個二手平台上都有黃牛黨割價出售今次演唱會門票，甚至以低於原價出售，務求甩手演唱會門票，可說是Gigi與歌迷雙贏，黃牛獨輸的場面。
未知Gigi昨晚在演唱會是否已知得黃牛炒燶飛的喜訊，全晚表現大勇，一開場先連唱多首首本名曲包括《真話的清高》、《焰》、《守望麥田》等，又載歌載舞表演快歌。唱到《明天你好》時，Gigi突然哽咽，數度轉身背向樂迷落淚，直到情緒稍為穩定才說：「我小學已經聽呢首歌，我冇諗過自己會做到歌手，我想將呢首歌送畀陪喺我身邊嘅人，同逐漸分開嘅人，好似喺天上面嘅爺爺，分道揚鑣咗嘅同學、朋友。我要好多謝我嘅屋企人，接受咗我唔開心嘅情緒，仲一路鼓勵我。」她又邊抹眼淚邊說：「sorry吖大家，浪費咗大家幾秒鐘。」台下不少人大叫「加油」為Gigi打氣，更有歌迷高舉「炎明熹我地（哋）真係好鍾意你」紙牌，對偶像送上無限量支持。