米芝蓮推介收藏必食小店　新出醉雞煲雞油香氣濃郁｜荔枝角｜杞醉

話說今日公佈米芝蓮必比登推介，即係佢地平民小食為主嘅推介，其他唔敢講，但今次呢間，我覺得真係值得上榜，直頭係收藏必食果種。

其實一路都有幫襯呢間小店，佢地主打醉物、辣汁同啲飯麵咁，最近仲出埋醉雞煲，本身係另一區超隱蔽，而家搬咗新店超方便，加上有全港送貨，幾遠都真係要試下。

-
🍗杞辣撈雞 ($55)
🍝杞辣邪惡鵝腸 ($42)
招牌辣汁撈埋唔同小食 (個人覺得最正係撈麵/米線)，辣中帶麻，撈雞撈鵝腸又夠掛汁，越食越上癮，食一啖就停唔到。

🥩杞醉慢煮牛舌 ($50)
🥓杞醉鵝肝 ($98)
🦀杞醉蝦 ($88)
而最出名一定係啲醉物，呢個杞醉汁真係靈魂，牛舌慢煮得軟腍，鵝肝綿滑肥美，醉蝦就非常鮮甜，重點係個汁好食到，食完真係想飲埋佢。

-
🥘有杞醉濃湯雞煲套餐 (3-4人份 $660)
🥢有杞醉濃湯雞煲 (全隻)
1️⃣湯頭足料藥膳熬製，再加入自家醉汁，濃湯本身就夠鮮甜，加埋醉汁嘅香甜同醉香，應該係食過最正嘅醉雞煲。
2️⃣食法都非常講究，先落靚雞熬一熬，滲哂雞油出黎後再打邊爐，值得一提啲雞真係肥美，雞油香氣濃郁。

🥢手工波菜豚餃子 (8隻)
🥢手打乜乜滑 (1份)
🥢吸湯豆串 (1份) 🥢蔬菜盤 (1份)
🥢手工芝麻湯圓 (8粒) 🥢米線 (2份)
唔少配料都係手工製，配呢個醉雞+雞油湯底真係一流，最特別係最尾要落芝麻湯圓，用鮮甜原湯去食，第一次咁食但真係有驚喜。

🥢有杞辣醬油 🥢爆炸蔥醬油
兩款醬汁都係佢地自家調製，簡單講句就係點乜都好食，特別係後者，散發濃郁蔥香，而且一定要拎黎撈米線，食完返唔到轉頭。

-
杞醉 @howdrunk_hongkong
🗺️荔枝角長沙灣道883號億利工業中心地下1D號舖
📞WhatsApp: 6628 3190

❇️留意佢地係外賣小店，不過Order滿600蚊(一Set雞煲)都會免費送油尖旺，其他地方都係加幾十蚊，可以留意佢地IG~

生活