歌手谷婭溦公認是「鐵肺歌手」，接連在《中年好聲音2》及《中年3》擔任導師，已跟無綫簽了聯合經理人合約的她，獲派演《新聞女王2》新加入的「記者妹」角色。谷婭溦昨日受訪時坦言對演戲有濃厚興趣，可惜苦無機會，加盟無綫10年，僅於4年前演過《愛上我的衰神》，她說：「係我第一齣用廣東話正式拍攝嘅劇集，原本之前陳展鵬、吳若希、蔡潔嘅《香港人在北京》都有傾過我嘅，不過因為某啲原因就冇拍到。」
她坦言一直期待拍劇，為提升演技，6年前專誠報讀北京戲劇學院的演技訓練班，取得表演證書。問到最想跟誰合作？她坦言：「想同任達華，女演員就想同視后佘詩曼、楊茜堯，我都知自己喺拍劇方面係BB班，但係如果有機會拍劇會好開心同珍惜。如果要接劇，自己最難嘅關口係減肥，我呢排肥咗5kg，覺得要減6至7kg先有信心企喺鏡頭前。」
東網網站 : https://on.cc/東網Facebook專頁 : https://www.facebook.com/onccnews/