網上熱話｜口罩綁港鐵扶手女生批欠公德心　拍攝角度令網民錯重點

本港流感活躍程度自今年7月下旬一直維持在很低的水平，但市民個人衞生意識都不應鬆懈。有女生日前乘搭港鐵時，發現車廂一個三角形扶手被人綁上一個粉紅色口罩。雖然未知口罩曾否被使用，但她仍看不過眼拍照在社交平台分享，「試下比(畀)d(啲)公德心，得閒綁住唔得閒拎走扔。」

▼網民留言回應逐格睇▼

網民錯重點：前面嗰個做咩用口罩當帽

相片在社交平台Threads獲得逾1,300個讚好、超過150次轉發。有網民看過照片後批評有關行為，「發覺d(啲)人嘅公德心同公民教育意識越嚟越低」、「反社會人格障礙」、「×街專登，有乜可能咁掛到上去。」亦有人認為不應口罩拆下來，「拎走咗仲衰，因為人哋都唔會知呢個係污糟嘅。」

有人就形容做法類似遠足人士，「是有人掉了，拾回人把它挷(綁)在手環上，這是行山人事(士)一貫做法。」同時，照片的拍攝角度一度讓網民看錯，「唔講仲以為前面個男人帶住頂帽」、「我仲以為前面嗰個做咩用口罩當係頂帽」、「我仲以為係前面嗰個人嘅帽。」

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)