請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

保錡新歌《羅曼蒂克衰亡史》MV 與女角演親密鏡頭尷尬

保錡出新歌《羅曼蒂克衰亡史》拍MV與女角有不少親密鏡頭。(大會提供/明報製圖)
保錡在MV演精神病患者有很多幻想畫面。(大會提供)

ERROR成員吳保錡(Poki)是今年樂壇新人,繼《猥瑣》後,昨日再推出新歌《羅曼蒂克衰亡史》,Poki在MV中與女角的親密鏡頭更勝上次《猥瑣》,不過Poki笑指親密程度都不及跟隊友何啟華(阿Dee)在過去於電視節目中的Kiss鏡頭。

Poki這次乘勝追擊,繼續找來舒文監製、黃偉文(Wyman)填詞,他說:「上次搵咗Wyman寫,好希望佢繼續可以幫我,而佢又肯,非常感恩。」

Poki在MV中繼續做兵,但他同時也飾演精神病患者:「我這位精神病人幻想好多愛情經歷,但全部都係幻想出嚟,最終女方係冇出現過。其實MV都係講緊做一隻兵,你可能會無私奉獻畀你鍾意嘅人,但佢身邊已經有一個佢鍾意嘅人,你永遠只能做佢後備。好多嘢都係我哋呢啲兵自己幻想出嚟,好美好,但都只係虛構。」

Poki親自找來YouTuber雪瑤參與MV演出,想再一次自肥?Poki說:「上次搵咗Heidi(李靜儀),今次想搵新啲嘅面孔,睇下會唔會做到新嘅感覺,想畀人睇到不論MV或唱功都有全新感覺。之前睇騒見到雪瑤嘅表現同個樣,我覺得佢適合個MV,就邀請佢。」

MV畫面不乏親密鏡頭,其中一幕說到Poki幻想與所愛的人咀嘴,親密程度令他變得十分怕醜,表現尷尬。Poki回想說:「未試過演呢啲戲,今次係冇kiss到,只係扮kiss,不過咁近都有少少緊張。過去我只奉獻過畀阿Dee,我最叻同男人Kiss!同異性係未試過,所以喺鏡頭前咁多人喺度,有少少驚同拘謹。」

除了女主角,今次Poki的MV也有隊友肥仔(梁業)的加持,拍攝MV當日特地前來探班,更幫忙做幕後,在Poki拍攝雨景一幕幫忙噴水,不過見肥仔起勢狂噴十分開心,似玩多過幫忙,不過兩兄弟自然冇計啦!

(即時娛樂)

查看原始文章