《東張西望》不時採訪社會時事及民生問題，製作組最近派出女主持利穎怡（Joan）採訪美孚新邨「老鼠屋」事件，該「老鼠屋」業主陳女士，原來在貝澳擁有樓高兩層物業，而她在附近垃圾站執垃圾，令居民飽受衛生及道路被擋問題困擾。
製作組和Joan由美孚新邨追蹤到貝澳了解事件，豈料Joan在採訪其間遇襲，先被陳女士以手推車撞腳，之後坐低採訪時，Joan問陳女士：「會唔會想囝囝多啲入嚟探你？」此時拿着電話的陳女士突然表現激動，並以手「批踭」撞向Joan塊面，Joan突如其來受襲亦來不及閃避，《東張》製作組最後報警求助。
Joan今早在社交網限時動態留言：「其實個採訪除了想幫其他居民，也想睇下有咩可以幫到呢位陳女士，當時見佢情緒穩定先坐佢旁邊。呢單case確實係我第一次被人打，我們亦有報警驗傷。依家出外景有少許陰影，公司都好好，話暫時編少啲我外景先，謝謝大家關心。」
（即時娛樂）
