歌手雲浩影(Cloud)推出第4首新歌《氣流》,揚言新歌是目前最愛作品,因為她由創作到製作全程參與,投放大量個人感情,根據她的喜好度身訂造。MV也加入其風格,不過她笑言今次「玩大咗」,抱住巨型冰塊拍攝,衣衫單薄,凍到腳震。她說:「我超鍾意新歌,絕對係我平時聽歌嘅類型,經歷咗之前3首歌,今次整咗一首好喜歡好特別嘅歌、好期待。」她渴望擁有傷感的情歌,她說:「我覺得呢首歌講一段義無反顧嘅愛情,有啲傷心,係淡淡嘅悲傷、苦澀。冬天,就係要有少少苦澀嘅元素。」
MV對手是一塊塊巨型冰塊,每塊冰都封存了定情物品,例如鮮花、毛公仔、戒指和情信等,因抱住不同溶化的真冰,所以拍攝時間要分秒必爭,不容許她花太長時間醞釀情緒,導演亦要盡快決定是否Good Take,道具人員要小心保護未拍攝的冰塊,總之台前幕後都「趕時間」。至於Cloud着短裙還要抱冰拍攝,凍到震的她說:「最初聽到個idea時,幻想到畫面好靚、好正,嚟到拍攝現場親眼見到啲一塊塊巨型嘅冰塊,有啲我半個人咁高,仲要不停溶雪,心諗『玩大咗添』!」
為表達甜蜜回憶,攝影師以「男友視角」拍攝,Cloud對鏡頭談情,透露私底下極少講肉麻情話,笑言:「好唔慣對鏡頭做呢啲嘢,有啲惡心,毛管戙!」雖然是情歌,但今次MV沒有男主角,是否怕男友呷醋?Cloud說:「唔係,導演想觀眾集中望住我一個,所以MV只有我。」
東網網站 : https://on.cc/東網Facebook專頁 : https://www.facebook.com/onccnews/
留言 0