曾志偉自從升呢做無綫總經理後,就大力改革嘗試不同主題節目重振無綫雄風,不過近日有內地傳媒就爆料他在深圳投資的家政平台「輕鬆到家」資金出問題,更拖付欠款搞到一班用戶及員工上門抗議及追數。
據知「輕鬆到家」今個月17號公佈公司因為資金鏈斷裂的關係,加上負面消息不斷而嚴重影響銷售情況,由翌日(18號)開始要暫停全部業務銷售及交付,公司亦正在清算所欠債務,將會以公司資本運作逐步償還。有指「輕鬆到家」於5年前獲封「國家級高新技師企業」,曾獲多家投資機構注資1.5億元,曾志偉亦是合夥人之一,佔2%股份,當時公司負責人李偉更因為曾志偉投資而令備受追捧。
消息傳出後,有批用戶、技師及員工都上門抗議討債,有受影響用戶更開設「維權」群組追回退款。據知現時有多位用戶都仍未收到申請退款,金額由幾百元到兩萬多元不等,用戶亦無法登陸相關應用程式,此外亦有人去到公司辦公室門外高呼:「必須還錢!」