炎炎夏日個個都出海玩水，周秀娜(Chrisee)今個夏天就沉迷無繩滑浪(Wakesurfing )，經常於社交平台分享滑浪英姿。繼月中出海後，兩星期後昨日(23日)又再出海玩，今次更明顯有進步，學新技巧carving感覺駕輕就熟，難怪興奮表示：「控制到塊板跟到，感覺真係好正。這次可以學carving，@kb_kevinboy (李健宏) 應該好開心。終於有進展，可以教新技巧。」不過滑水打扮相當密實，可能有見及此，Chrisee今日(24日)於社交平台再放泳衣相派福利，穿著露背泳衣的Chrisee與友人開心合照。雖然只是露背，但素顏下Chrisee狀態極佳，並強調無用濾鏡，早前的皮膚敏感亦明顯有好轉。
對於滑水有明顯進步，好友兼啟蒙老師KB(李健宏) 亦有留言大讚：「連娜你終於開竅喇,我哋做長輩你進步我哋好開心呀！」網民亦留言大讚：「進步神速！可以學飛板」、「好型好叻！」今次是Chrisee夏天後第二次落水，短時間就掌握到滑水技巧，似乎甚有運動細胞！
