今年6月突然爆紅嘅荃灣肉類分割員劉宋威（威威），好委屈開直播話人紅多是非，對瘋傳多宗負面傳聞，忍唔住要拍片澄清。他更強調：「我都係基層出身，屋邨長大，點解有紋身就唔係好人，要畀人歧視？點解我工作係賣豬肉，揸住把刀就俾人話斬人？」更透露已找紋身師設計咗「威威豬」紋身嚟紀念一班Fans的愛護。威威果然冇食言，但一眾網民卻唔多肯收貨。
除罩拍廣告走粉
威威於上月中首次除罩拍廣告，真身曝光後惹網民熱討，除罩前被指貌似MIRROR成員AK及羅志祥(小豬)，除罩後明顯急促「走粉」，威威為咗冧返班「威威豬」，除咗拍舞獅片，事隔兩個月仲悄悄「找數」去咗紋身。
日前有忠粉發現威威右手手臂有兩行小豬紋身，然後po相文喺「荃灣鮮肉應援團」Page開心share，相中見兩排紋身位於手袖位對落，位置啱啱好，唔會畀手袖遮得到，小豬仔紋身圖案有唔同嘅表情及動態，細睇中間嗰隻豬，仲寫住Wai Wai個名㗎！睇嚟好有誠意咁，一眾「威威豬」即大讚威威言出必行，留言：「勇氣可嘉，紋到啲「威威豬」好可愛」；仲話威威對fans好好；新紋身好靚好可愛…
被笑學貓狗嘅神髓
不過好多網民就唔收貨，眼利網民一睇就睇得出威威新紋身抄襲LuLu豬，不滿他又話自己設計，最後都係抄襲人哋真係好cheap，最搞笑有人留言話：「原來學貓狗嘅神髓係為咗咁。」
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
