正所謂人紅自然是非多，MIRROR繼日前成員Ian（陳卓賢）原定獲台灣天王林俊傑邀請做演唱會嘉賓，點知溝通出現問題而被「彈鐘」兼被當成伴舞之後，近日又有一個出售自家設計MIRROR應援公仔的「鏡粉」在IG表示因為ViuTV版權持有問題要停止出售及退還所有未出貨產品的款項，更疑似捲入官司，引起網民關注。
查看IG該「鏡粉」過去曾出售不少自家設計的卡通MIRROR應援物，當中應援公仔最受歡迎，不過版主近日就突然發文表示：「鑑於收到ViuTV公司所通知關於版權持有的問題，本人將退還所有未出貨之產品款項，及日前本人受官司影響無暇及時處理有關退款，現已開始著手退款。」
事後不少網民都留言支持「版主你要撐住！你整嘅公仔係好多人讚賞同支持架！要去到打官司咁嚴重真係難以接受，金錢上既負擔真係難以想像！求唔好關站等大家知情況同埋幫你聲援啦」、「吓點解嘅？自己畫嘅都有版權問題？咁即係所有做應援嘅都有問題？可唔可以解釋吓」、「你自己設計都侵權？咩事」等。亦有網民在討論區嘲諷「MIRROR矜貴過韓星泰星，人哋唔告啲應援Fanart侵犯版權，唔代表我鏡唔告囉。」事後ViuTV今日出聲明澄清並無此事：「對於近日有報導指ViuTV向Instagram帳戶『mirrorrorr.cheer』就版權持有問題發出通知，我們現澄清並無此事。」