請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

MIRROR新歌變水舞間!Jer施展狂人踩水 Anson Lo跳舞大力到擋走水花

MIRROR早前推出新歌〈Innerspace〉,當中「水舞間」一幕成為熱話,不少一眾成員分享拍攝這一幕的點滴,個個看到水花都起勢踩水,難免濕身狂食水花,Anson Lo竟然沒有倖免於濕,Tiger則笑說要好似對方跳舞如此大力,才可以擋走水花。

MIRROR新歌〈Innerspace〉MV頓變水舞間。

〈Innerspace〉MV中,Lokman與AK成為騷肌擔當,穿上背心展示強壯臂彎,二人為保線條而在埋位前狂做掌上壓,但AK因為連夜趕拍劇又再拍MV,在水中起舞人也凍得打冷震,完成後更需要即時喝熱水。AK道:「拍親MV同好似同水分唔開,繼〈特登〉和〈REBOUND〉後,今次喺〈Innerspace〉又再濕身,但因為最近拍劇又冇乜食嘢,又俾件背心我著⋯⋯我都知我唔夠大隻,抵抗力差少少,仲要第3日拍到凌晨6點幾,攰都係正常,所以會覺得有少少凍。」

AK連夜趕拍劇又再拍MV,在水中起舞凍得打冷震,完成後更需要即時喝熱水。

跳舞多年的Frankie對今次「水舞間」一役,說:「我哋跳咗咁多年舞,但喺水裡面跳,好多人都係第一次,原來係非常困難,同埋好多隊友都好大力踏水!」愛乾淨的Alton被濺得全身濕透,但卻未有介懷,更說:「喺水上跳舞係最晚拍攝嘅最後一Part,但能量係幾何級數咁提升,加埋水花,大嘅腳步聲,令到個效果加成,第一次睇Playback嗰下,我哋自己都『嘩!』一聲。」

眾人認同,水舞間起舞一幕,最貪玩是Edan、Stanley及Jer。

今次在水舞間起舞一幕,最貪玩的非Edan、Stanley及Jer莫屬。Edan笑言出盡力起舞都多得Stanley,Edan解釋道:「嗰個景大家見到都好興奮,因為好靚,而喺水裡跳有水花都好有型。咁喺水裡面都要全力以赴,隻腳嘅力量都要全力以赴,而我係師承Stanley嘅大力踩水。」

Jeremy由頭濕到落腳,但為了有型及靚,沒有阻止Stanley的全力踏水惡行。

Stanley聽到Edan的話,即說:「拍鏡頭水花大先好睇,咁為咗好睇,當然要出盡全力踏水。最後嗰幕Jeremy喺我後面,每次一完擰轉頭望住Jeremy,都係由頭濕到落腳。我有問佢使唔使細力啲,佢話唔使㗎!」Jeremy指為了有型又要靚,也未有阻止Stanley的「惡行」,並說:「冇理由叫Stanley細力啲就我嘛,只不過最尾Ending Pose,我成塊面流晒水,但都要Keep住有型。」其實當災的不只Stanley,AK因為著背心,當Stanley大力踏水時,水便由AK的腋下濺入到胸前,難怪AK會凍得打冷震。

Jer鏟草式的舞技,卻被Lokman笑指為「狂人踩」。

另外,Jer鏟草式的舞技也令人很傷腦筋,事關其中一幕他要跣入中間位置,但AK、Ian、Lokman及Edan當時要踎低,結果Jer未有收掣直接鏟入,AK笑指「啲水有浪㗎!每次內心都不其然Wow一聲!」Lokman更將Jer這一鏟為「狂人踩」。Jer聽到大家的形容後,都不禁失笑說:「咁好玩嘛!」本來未有加入討論的Ian都開聲道:「我踎低㗎,你咁樣飛埋嚟,你就好玩囉!」眾人你一言我一語的,人人氣氛高漲,結果Jer打圓場道:「我太投入件事,大家都要濕下身啦!」

Tiger笑言其他成員好大力地踏水,好似海嘯湧埋嚟。

未有發言的Tiger,則表示這次拍攝上了人生寶貴一課:千萬別行差踏錯!他說:「個Intro本身好有氣勢好大力咁跳,咁啱嗰下係跪喺度,但音樂一起太細聲聽唔到,大家起晒身又好大力好有氣勢,我一不留神,就好似有個海嘯湧埋嚟一樣,嗰下就即刻醒咗!」但Anson Lo卻道:「我幾Surprise自己冇食到水。」Tiger聽到即突破盲腸說:「我知點解佢跳舞咁大力,可以擋返啲水出去。」

Anson Lo笑指自己沒有食水,Tiger則指因為他跳舞大力得可以擋走水花。