唔知大家有冇去過北海道，果到最出名嘅鄉土料理，一定係成吉思汗烤羊肉，天氣又開始凍，食呢種燒肉就啱哂，但香港真係罕見到極。
呢間新店就係主打呢樣，無論個圓拱爐、羊肉定係啲料理，都係正宗風味，全程亦有店員幫手燒，一路介紹，一路顛覆對羊肉嘅印象。
聽講大廚為咗做到最好，甚至專程去北海道，試咗十幾間烤羊肉，難怪樣樣高質，可以話係食過Top 3好食嘅燒肉，應該都係我香港食過最正嘅羊肉。
-
🍱羊蹄山御膳 ($728位)
Tasting Menu全Set十二品，除咗試盡唔同羊肉部位，仲有極高質嘅料理，當然亦有散叫Menu。
🔸前菜沙律 (淡路島洋蔥)
🔸静岡糖心蕃茄
🔸慢煮磯邊鮑魚配鮑魚肝醬
鮑魚經過慢煮，肉質極為軟腍，肝醬又調味剛好，鮮味濃郁，所以片中就想話，仲好食過唔少日式料理店。
🔸日本泡菜及鱈魚腸漬配米飯
🔸成吉思汗特選羊六品
- 羊頸柳、羊臀肉、羊腩、羊T骨、羊架、特上羊西冷
1️⃣6種部位有肥美嘅，亦有肉感重嘅，羊肉味濃但唔騷，睇片都見燒得肉汁豐富，當然如果想食羊騷味，都可以請教店員有邊款好。
2️⃣側邊就放上淡路島洋蔥，吸盡羊油脂香，而且越烤越甜，中和燒肉膩感，仲有燒肉汁係用上秘製鰹魚汁，同羊肉真係絕配。
🔸羊蹄山羊肉湯
聽店員講，原來師傅有深厚拉麵功力，熬湯非常出色，湯頭熬到奶白色，濃郁又脂香豐富，再配上清甜京都蘿蔔。
🔸抹茶/豆腐雪糕配北海道十勝紅豆醫
-
🔸散叫Menu
🥓限定北海道和羊 (按部位$128-$208)
就同和牛一樣，和羊係羊中極品，都係特別肥美，一烤已經滲哂油脂，入口超幸福，仲要連羊肝($128)都有，味道甘香濃郁，真心必試。
🥘羊蹄山羊肉咖喱飯 ($168)
店員極力推薦，又真係好食過唔少咖喱店，咖喱加入足料羊肉，煮到極為濃厚，每啖都有羊肉，建議可以叫一個share食。(仲有得加超辣調味)
🥟自家製羊肉餃子 (限定 $78)
羊肉餃限量因為自家製，亦都唔洗問了，都係好食過唔少餃子店，睇片都見極Juicy，肉汁同羊油豐富，一咬漏汁果種。
-
羊蹄山
🗺️銅鑼灣駱克道487-489號駱克駅26樓
📞2691 8328
❇️值得一提嘅係，Lunch一Set燒肉，都有齊前菜沙律、漬物、湯、燒烤洋蔥同飯，價錢更抵更入門。
▼Follow foodiegogoooo
Instagram: https://www.instagram.com/foodiegogoooo/
留言 0