《2023年度叱咤樂壇流行榜頒獎典禮》今晚（1/1）在亞博舉行，當中頒發由播放率定奪的叱咤樂壇組合獎，MIRROR大熱倒灶，由去年的金獎變成三甲不入，更加沒有團歌入到叱咤十大。隨後MIRROR全晚僅贏得由粉絲投票的「我最喜愛的組合」，上台領獎時，身為隊長的Lokman似乎有感而發，疑似公開向隊友訓話。
Lokman在接過獎項後表示︰「2023年，MIRROR成員有好多作品，有電影、有劇集、有舞台劇、有Solo Concert，仲有人做導演，有好多個人音樂，但以音樂組合嚟講係爭少少。上年有好多事情、新聞、人呀等等。我哋都覺得眼前呢條路，其實係我哋12個同背後團隊上上下下一齊打出嚟，唔……咁就……係啦，2023年有好多個我，但係好少我哋，嚟緊2024年我哋會一齊做演唱會，我哋會一齊去唔同地方見Fans，希望我哋前前後後一齊為大家，為鏡粉繼續做更多作品，多謝大家。」
