王丹妮（Louise）和羅孝勇（Sheldon）一星期前剛補辦完婚禮，近日公開多張婚禮現場的靚相，婚禮上一家三口互動甜蜜，幸福滿瀉。不過婚禮後一對新人隨即就要分隔異地，王丹妮已飛到多明尼加共和國準備拍攝外國電視劇《Coolie》，在澳洲讀脊醫的羅孝勇則趁學校假期返港湊女，只好日後有機會再補度長一點的蜜月。
王丹妮與羅孝勇早於2020年年底就入紙結婚，等了三年才補辦婚禮，雖然已不可稱為新婚，王丹妮公開向老公示愛，依然散發新婚的甜蜜氣氛，她更大讚對方是好爸爸：「會掛住對方，因為接下來數月都未能見面。同時好多謝Sheldon已經返回香港幫忙照顧Affa，由拍拖到結婚都盡全力肩負起爸爸的責任，父愛滿滿，完全是位超過100分的好爸爸。」
婚禮當日行程滿滿，早上先進行傳統中式婚禮的儀式，下午則在教堂行禮，王丹妮自言整個過程非常感動：「由媽媽拖着我同行，將我隻手交到Sheldon手中時，大家都已經眼濕濕，聽到媽媽細聲跟他說『丹妮以後交俾你，你要好好照顧佢，我都放心』然後見到媽媽眼有淚光。我知道媽媽很欣慰、安心，所以我都好感動。當我倆互相對望宣讀誓詞並對方戴上婚戒時，真的有執子之手與子偕老的感覺。」
在教堂行禮時，羅孝勇更感動到喊：「等Louise媽媽拖着Louise行入教堂時，其實我好緊張、心情好激動，個人又震又感動到喊，但最感動是講誓言和將婚戒戴到Louise的無名指上，當刻已經忍唔住流淚。」王丹妮更透露羅孝勇全日不停讚她靚，令她感到好幸福：「Sheldon全日講了很多次『你今日真係好靚』、『我老婆真係好靚』、『我真係好幸福』，其實自己聽到都好怕醜，但我都覺得自己好幸福。」
