張繼聰同老婆謝安琪出曬名是圈中的廿四孝夫母，跟一對仔女15歲張瞻和5歲張靖感情極好，不時會在社交平台分享一家人的溫馨點滴。好似日前張繼聰就分享一條囡囡張靖在家食住奶嘴玩樂的短片，點知惹來網友公審囡囡「咁大個都用奶嘴？」搞到張繼聰都忍唔住出聲回應！
在公開短片入面，張靖著住一套紅色睡衣，咬住奶咀在家中不同位置舉手做出打招呼手勢，雖然怕怕醜醜但非常得意，有網民睇完條片都大讚張靖搞鬼可愛，連王君馨都留言表示想生個囡囡。不過有人就質疑張靖咁大個仲用奶嘴，亦有人留言「大個女！唔好再食奶嘴啦」、「咁大個都用奶咀」等，有人更擔心食奶嘴會爛牙及有衛生問題。見到網民留言，廿四孝爸爸張繼聰即時出聲回應：「依個世界真係好多人關注人哋嘅小朋友點解食奶咀，我做老豆都未慌，你哋定d嚟啦。我嘅睇法係，大人都會有好多壞習慣，好多時仲會影響人，小朋友想食奶咀，其實無傷大雅，佢唔會廿四小時狂食直到18歲呱？」
